{"id":1010,"date":"2011-11-13T14:08:49","date_gmt":"2011-11-13T14:08:49","guid":{"rendered":"http:\/\/vladgonzales.net\/blog\/?p=1010"},"modified":"2011-11-13T14:22:15","modified_gmt":"2011-11-13T14:22:15","slug":"ang-kimera-ang-espinghe","status":"publish","type":"post","link":"https:\/\/vladgonzales.net\/blog\/2011\/11\/13\/ang-kimera-ang-espinghe\/","title":{"rendered":"Ang Kimera, Ang Espinghe"},"content":{"rendered":"

 <\/p>\n

Ito ang teksto ng piyesang ANG KIMERA AT ANG ESPINGHE, piyesang ipinasa ko para sa Rizal X<\/a>.\u00a0 Kasama rito ang ilang tala sa kung saan nahugot ang mga inspirasyon at impluwensya.\u00a0 Siguro ang hindi nailagay diyan ay gusto ng direktor na si Dexter Santos na maglagay ng isang\/ng mga vignette na magiging sobrang lihis sa inaasahang imahen ni Rizal, na sana’y lumilihis din sa dominanteng concert\/ variety show feel ng ilang mga bahagi (na intensyunal naman).\u00a0 Hindi ko alam kung sa anong antas ako nagtagumpay, pero lagi ko naman sinasabing ang pinakamasayang bahagi ng proyekto ay ang kolaborasyon.\u00a0 At speaking of collaboration, katuwa na ang kaibigang si Leeroy New<\/a> ang nag-render ng puppets para sa karakter na Kimera\/ Espinghe.<\/p>\n

***<\/p>\n

Ang Kimera at ang Espinghe<\/p>\n

Inspirasyon para sa piyesang ito ang mga tala sa bahaging \u201cAlla\u2026La-Bas\u201d ng librong Under Three Flags ni Benedict Anderson.\u00a0 Pinagmumunihan sa \u201cAlla\u2026La-Bas\u201d ang mga posibleng naging impluwensya ni Rizal sa pagsusulat ng kanyang Noli at El Fili.\u00a0 Nabanggit sa sanaysay ni Anderson ang nobelang \u201cA rebours\u201d (Against Nature), kung saan hinango ang eksenang ginamit para sa piyesang ito.\u00a0 Ang Kimera ay simbolismo ng mga pansariling interes\/ pangangailangan.\u00a0 Ang Espinghe naman, tulad ni Imuthis ng El Fili, ay tumatayo bilang boses ng panlipunang katotohanan.<\/p>\n

Tauhan:<\/p>\n

Manunulat \u2013 lalaking kawangis ni Rizal (pwede ring hindi)<\/p>\n

Kimera -isang babaeng halimaw na may katawan ng leon at buntot na ulo ng ahas, may ulo rin ng kambing sa kanyang katawan<\/p>\n

Espinghe \u2013 lalaking halimaw na may katawan ng leon at ulo ng tao<\/p>\n

***<\/p>\n

Isang sayaw ng pagtatalik ang piyesang ito.\u00a0 Nagaganap ang piyesa sa isang lugar sa panaginip, na inadornohan ng mga alahas, mamahaling bato, mga plastik na bulaklak, lahat ng bakas na magmumngkahing ito ay artipisyal at pantastiko (na may reference din kay Simoun bilang alahero).\u00a0 Nasa gitna ang MANUNULAT, may tinatapos na akda.\u00a0 Sa kanyang pagkalito sa piyesang binubuo, susulpot sina KIMERA at ESPINGHE, tatangkaing akitin ang manunulat.\u00a0 Lantad sa piyesa ang koneksyon ng bawat isa, tila nakatali ang bawat tauhan sa isa pa.<\/p>\n

MANUNULAT (akmang nagsusulat habang sinasabi ang mga linya):
\nAt nilingon ng tauhan ang kalsadang tinatahak.\u00a0 May ilang oras na rin niyang nilalakad ang daang pinalilibutan ng mayayabong na balete, hindi pa rin niya matanaw ang dulo\u2019t ngayon ay ni hindi na rin niya makita ang puntong pinagmulan.\u00a0 Napaupo siya sa paglagpak ng duda, mabigat.\u00a0 Matutunton ko ba ang kaganapan nitong landas?\u00a0 Ano nga ba ang nasa pagtatapos?\u00a0 Kailangan ko na bang umatras, bumalik?\u00a0 Bakit, para saan, para kanino nga ba ako nagsimulang maglakbay?<\/p>\n

Susulpot ang Kimera at Espinghe para simulan ang seduksyon.<\/p>\n

KIMERA:<\/p>\n

Natatanaw ko\u2026
\nnatatanaw ko,
\nisang lupaing tigib sa pagkain at alak,
\nwalang ibang tinig kundi halakhak at mga ungol
\nng liglig na ligaya.\u00a0 Isang pista,
\nlahat ng bisita\u2019y makinis ang kutis,
\namoy bagong-ligo, may mga labing singpula
\nng bagong-pitas na makopa.<\/p>\n

ESPINGHE:
\nNatatanaw ko\u2026
\nnatatanaw ko,
\nisang kastilyong nakasisilaw sa puti,
\npagkataas-taas ng pader at mga moog.
\nMula sa labas, mababanaag ang linis,
\ntayog, ang taas at pagkadalisay ng dangal.
\nSa loob, sa mga madilim nitong sulok,
\nKumikislot\u00a0 ang alingasaw ng pagkabulok,
\nIkinukubli ang laksa-laksang uod.<\/p>\n

KIMERA:
\nsariling ligaya ba ang hinahanap?<\/p>\n

ESPINGHE:
\npanlipunang saya ba ang hinahagilap?<\/p>\n

KIMERA:
\npasan-pasan mo ang iyong nakaraan.<\/p>\n

ESPINGHE:
\nbuhat-buhat mo ang bagahe ng buong bayan.<\/p>\n

KIMERA:
\nKabisado ko ang iyong bawat kiliti.<\/p>\n

ESPINGHE:
\nKabisado mo ang kanilang mga pighati.<\/p>\n

KIMERA:
\nopyo,\u00a0 babae, serbesa.<\/p>\n

ESPINGHE:
\nKorupsyon, pagsasagilid, gera.<\/p>\n

KIMERA:
\nPaano magkakatinig ang sa sarili’y di umiibig?<\/p>\n

ESPINGHE:
\nMay mga pag-ibig na lampas sa sariling dibdib.<\/p>\n

KIMERA:
\nNasa iyo ang desisyon.<\/p>\n

ESPINGHE:
\nBawat desisyon ay batbat ng kontradiksyon.<\/p>\n

Magpapatuloy sa pang-aakit ang Espinghe at Kimera.\u00a0 Kadikit na nila ang manunulat na halos papunta na sa orgasm sa dating ng gawi at tunog.\u00a0 Aabangan ng Kimera at Espinghe ang kanyang tugon\u00a0 Hahalikan ng manunulat ang Kimera at Espinghe bago magsalita.<\/p>\n

MANUNULAT:
\nkayong kapwa halimaw at kaniig,
\nsa pisi ng malay ay di ko mapapatid.
\n(kay Kimera) ikaw na laging pasan sa aking balikat,
\n(kay Espinghe) ikaw na sa aking hina’t lakas ay magsisiwalat.
\nBukas, kayo’y laman ng aking panulat,
\nngayong gabi, sa idlip kayo’y kayakap.<\/p>\n

Matatapos ang eksena na nakapasan si Kimera sa manunulat, habang nakalingkis naman ang manunulat sa nakatalikod na Espinghe.\u00a0 Hindi mapapatid ang mga taling nakakabit sa bawat isa.<\/p>\n