{"id":1084,"date":"2011-11-25T17:38:16","date_gmt":"2011-11-25T17:38:16","guid":{"rendered":"http:\/\/vladgonzales.net\/blog\/?p=1084"},"modified":"2011-11-25T17:45:46","modified_gmt":"2011-11-25T17:45:46","slug":"ligaw","status":"publish","type":"post","link":"https:\/\/vladgonzales.net\/blog\/2011\/11\/25\/ligaw\/","title":{"rendered":"Ligaw"},"content":{"rendered":"

\"\"<\/a><\/p>\n

Ang nakaraang magdamag yata ang isa sa mga pinakahindi mabait na magdamag para sa mga biyahero’t may mga plano.\u00a0 Ito’y magdamag na tadtad sa mga kuwento ng mali-maling liko, mga di inaasahang detour at road block, ng mga u-turn na espesyal ang pagkamailap.\u00a0 Hindi ito ang pinaka-convenient na araw para sa isang gaya kong mahilig sa mga plano’t siklo.<\/p>\n

Sabi ko sa isang kaibigan, madalas, sa mga ginagawa kong plano, lalo na iyong kaakibat ng pagbibigay sana ng mga magandang surpresa, palaging dalawang direksyon ang pwede kong mapuntahan–kapag masuwerte, kapag pumabor ang panahon at pagkakataon, naisasabuhay ang mga munting surpresa sa pinakaperpekto nitong intensyon; kapag inaalat, minsan ay nasosobrahan o nakukulangan.\u00a0 At kahit na para sa mga tagalabas ay walang bakas ng pagpalyang mapapansin, para sa aking masinsin sa paghahanda’y hindi ko mapigilang mapanghinayangan ng loob.<\/p>\n

\"\"<\/a><\/p>\n

Iniisip kong kung listo lang ako, kung palagi lang akong alerto sa mga signos, baka nagiging mas masinop ako pagdating sa pagsasagawa ng mga plano.\u00a0 Lagi ko namang hinihiling na sana’y palagi akong malakas, sa isip at sa katawan, dahil sa oras ng pagod ay ayun, nakakapagod maging observant sa paligid.\u00a0 Minsan ay kapa-kapa na lang, Kumilos ayon sa kung ano ang nasa harap.\u00a0 Kathain ang plano habang unti-unting iniaalis ng mundo ang tabing sa mga posibleng direksyong maaaring puntahan.\u00a0 Baka kulang lang ako sa tulog at sobra sa kaiisip.\u00a0 Baka walang ibig sabihin ang kaninang kawalan ng gasolina sa Petron na madalas kong daanan.\u00a0 Baka walang kahulugan ang mababa kong score sa basketball game ng Timezone noong sumaglit ako kani-kanina.\u00a0 Baka walang implikasyon na pinili kong maiba ng daan sa paghahatid ng isang kaibigan, umiba sa madalas nang routine at ruta, at walang anu-ano’y ang bidang pauwi na dapat sa may Caloocan ay natatrapik sa gitna ng mga trak, sa tapat ng SM Marikina.<\/p>\n

\"\"<\/a><\/p>\n

Pero gusto kong isiping may bigat ang aking mga desisyon.\u00a0 Na pinili ko ang aking mga gustong puntahan, sinubukan kong magsagawa ng plano, sa ilang pagkakataon ay sinubukang maiba.\u00a0 Gusto kong isiping anuman ang naging reaksyon ng mundo sa aking mga desisyon, pinahahalagahan nito ang aking tapang na sumubok, na pumili, na manatiling umaandar.\u00a0 Para sa isang umaastang may pera, sa aking may kotse’t kaunting panggasolina, ito na ang road trip movie na matagal nang inaabangan.\u00a0 Isang manlalakbay, sinusuyo at sinusuyod ang bawat guhit, mga linya’t pisi ng pagkakataon.\u00a0 Isang manliligaw ng tamang landas.<\/p>\n

\"\"<\/a><\/p>\n

Road trip movie, o isang malaking pagsusulit.\u00a0 Test of patience.\u00a0 Test of endurance.\u00a0 A ba o B?\u00a0 All of the above o none of the above?\u00a0 Magwa-wallow ba sa mga bagay na di napagtagumpayan sa isang araw, o magpapasalamat sa mga bagay na nagawa?\u00a0 Arangkada o slow down?\u00a0 Preno-preno, magtatanong ng direksyon?\u00a0 Uuwi na lang, dahil, dahil wala nang sense ang ating mundo?<\/p>\n

 <\/p>\n