{"id":2376,"date":"2012-08-27T15:07:14","date_gmt":"2012-08-27T15:07:14","guid":{"rendered":"http:\/\/vladgonzales.net\/blog\/?p=2376"},"modified":"2012-08-27T15:07:14","modified_gmt":"2012-08-27T15:07:14","slug":"informed","status":"publish","type":"post","link":"https:\/\/vladgonzales.net\/blog\/2012\/08\/27\/informed\/","title":{"rendered":"Informed"},"content":{"rendered":"

Ang holiday Monday ko ay idinaan sa aking routine radio gig sa DZUP, ang Kalampagan sa Lunes<\/a>.\u00a0 Kahit walang pasok sa UP, live kaming nagpalabas tungkol sa cyber bullying.\u00a0 Masuwerte’t naimbitahan ng mga episode producer si Ginoong Chris Lao, na dati’y biktima ng baha, na naging biktima ng cyber-bullying, na ngayon ay isang certified attorney na.<\/p>\n

Marami kaming napag-usapan, tungkol sa sariling karanasan ni Attorney Lao; sa mga dating kuwento gaya ng kuwento ng lifestyle columnist na si Malu Fernandez<\/a>, na sa huli’y nag-resign sa kanyang trabaho sa magazine; sa mga mas bagong balitang katulad ng kay Robert Blair Carabuena<\/a>.\u00a0 Nabahagi ni Attorney Lao ang sakit ng mga salita, ng online na pangkukuyog.\u00a0 Sabi niya, umabot sa puntong naglalabas na ng dugo ang kanyang sistema dahil sa trauma na nanggaling mula sa mga taong umatake nang lampas sa insidente at umabot hanggang sa mismong pagkatao niya.<\/p>\n

Marami pang napag-usapan at naibahagi, pero gusto kong ibahagi na sa buong programa’y napansin ko na napaka-pleasant na bisita nitong si Attorney Lao.\u00a0 Kalmado, bukas sa pakikipag-usap, may paggalang sa mga host at producer ng aming college radio show.\u00a0 Naalala ko tuloy–at nabanggit din naman sa mismong palabas–ang mga sinasabi ko sa sariling klase tungkol sa katangian ng pagiging kulang ng media.\u00a0 Laging may tututukang impormasyon at laging may naisasantabi.\u00a0 Madalas, lalo’t hindi maingat, maraming ipagkakamali na ang muntik bakas ng impormasyon ang kabuuan ng pagkatao ng sinumang nahuhuli ng mga kamera’t naa-upload sa iba’t ibang daluyan ng kaalaman.\u00a0 Tama nga siguro ang naging consensus ng mga kasama sa Kalampagan, na ngayon–higit sa kahit na anong panahon–ngayon pa dapat lalong maging mapagmatyag at maingat sa paghawak at pagpapasa ng mga nakikita at naririnig.\u00a0 Kailangang maging mas mausisa sa bawat karanasan.\u00a0 At sa panig ng biktima, gaya ng nasabi ni Attorney Lao, maraming kuwentong iimbentuhin tungkol sa pagkatao mo, at may ibang magiging mas malas at aabot pa sa social networking ang paghahalungkat, pero laging may puwang para maging mas maayos bukas.\u00a0 May nagagawang milagro ang pagtitiwala sa sarili, at sa mga taong may mas malalim na pagkilala sa iyo.<\/p>\n

Sa huling segment ng aming palabas, dumating ang asawa at anak ni Attorney Lao.\u00a0 Nakakatuwa ang batang si Hillary.\u00a0 Camera-prepared, bibong-bibo.\u00a0 Siguro’y maglalaan ako ng hiwalay na salaysay tungkol sa enerhiya at ligayang ibinibigay ng mga batang gaya ni Hillary.\u00a0 Sa ibang araw ko itutuloy ang pagkukuwento.<\/p>\n

Sa ngayon, napasaya lang ako na may nadagdag na anggulo sa aking pagkakaintindi sa kuwento, ni Chris Lao at ng iba pang bagay.\u00a0 Baka tama nga ang sentimiyento niya lampas isang taon na ang nakaraan–na may ligaya sa pagkakaalam, na regalo ang maging informed.<\/p>\n