{"id":905,"date":"2011-10-24T18:05:50","date_gmt":"2011-10-24T18:05:50","guid":{"rendered":"http:\/\/vladgonzales.net\/blog\/?p=905"},"modified":"2011-10-24T18:05:50","modified_gmt":"2011-10-24T18:05:50","slug":"m-ms-infinite-playlist","status":"publish","type":"post","link":"https:\/\/vladgonzales.net\/blog\/2011\/10\/24\/m-ms-infinite-playlist\/","title":{"rendered":"M & M’s Infinite Playlist"},"content":{"rendered":"

\"\"<\/a><\/p>\n

Noong iniisip kong simulan ang entry na ito, iniisip ko siyang simulan sa pinakaromantikong paraan na kaya kong maisip.\u00a0 Pero kani-kanina lang, habang nagsisipilyo, napaduwal ako’t naisuka ang kinaing meryenda at hapunan.\u00a0 Sumirit sa bibig at ilong ang mga bakas ng tempura, ramen, pasta, at pizza, mga alaala ng kainan at kuwentuhang pinaasim ng gastric juices.\u00a0 Baka ganito lang talaga ang lahat ng pagtatangka sa pagsasalaysay ng mga kuwentong pag-ibig.\u00a0 Laging awkward, laging may sablay moment.\u00a0 Pero kung may natutunan man ako sa mga nakaraang araw, ito ay ang leksyon ng pagpapakatapang.\u00a0 Kaya anumang asim ng hininga’t sama ng pakiramdam, pipilitin kong ibahagi ang karanasan sa pinakamatamis na paraang posible.<\/p>\n

Tungkol ito sa maraming bagay pero malaking bahagi ng maraming bagay na ito ay ang pag-iisang dibdib nina Mike at Mich<\/a>.\u00a0 Four years in the making (at sa aktuwalidad daw ay four years na opisyal + pitong buwan na ligaw time), ang buod ng mga testimonyal ay nagsimula ang lahat sa pagtukoy ng kanilang maraming pagkakaiba.\u00a0 Si Mike (na mas kilala namin sa palayaw na “Chu”) na disipulo ng maraming Adam Sandler romcom movies, Rockstar Joe\/Mixtape master, nagmamakata kapag umiibig, ay parang malayung-malayo daw sa chill mode ni Mich.\u00a0 Pero nagsimula ang pagiging swak nila sa pamamagitan ng kantang “Stolen” ng Dashboard confessional, isang kantang naririnig ko na dati pero noong reception ko lang nalaman ang pamagat.<\/p>\n

 <\/p>\n