Sa mga sandaling mailap ang idlip
at gabing madilim itong aking dibdib,
sa sulok ng kama ay nagsusumiksik.
Nakapikit, iniisip ang Yakimix.

Sa Yakimix ay malinamnam ang lechon,
paano’y gawa sa laman ng unicorn.
May bacon, beef, salmon, yellow pepper, mushroom—
iihawin lahat sa smokeless grill table.

Laging tatlong klase ang kanilang sopas,
Tinimplahan lahat sa halik at yakap.
Ang bottomless drinks ay sixty pesos per glass
(one month budget ito ng mga mahirap).

Sa Yakimix, there’s always a reason to smile
sa mga moment ng loneliness at lumbay.
Better than babies, cats, dew drops, rainbows, sunshine;
better than sex…well, I don’t know—it’s been a while.

Ngangasabin ko ang ‘sang kilong tempura,
sisinghutin ang maki, sashimi, tuna.
Ano ba naman ang kinyentos otsenta?
May pera nga ‘ko, di ka naman kasama.