Pasado ala-una. Siguro’y tulog ka na.
Ang Balatas** ay lumalagaslas na pilak sa magdamag.
Magmadali’y hindi ko balak; sa mga telegramang kidlat
ako’y walang dahilan para gisingin ka o istorbohin.
At, gaya ng sabi nila, ang nangyari ay nangyari na.
Ang bangka ng pag-ibig ay sumalpak na sa pangkaraniwan.
Ngayon tayo ay patas na. Kung gayon bakit pa mag-aabalang
balansehin ang pareho nating mga pighati, sakit, at pinsala.
Malasin ang katahimikang lumulukob sa mundo.
Bumabalot ang gabi bilang pagpupugay ng mga tala.
Sa mga oras na tulad nito, may bumabangon upang tumugon
Sa pagpapanahon, kasaysayan, at paglikha.
**Balatas = Milky Way